Ijtimoiy himoya tizimi xodimlarining malakasini oshirish markazi va DVV International o?rtasidagi yangi hamkorlik imkoniyatlari

---

2024-yilning 9-oktabr kuni Markaz rahbariyati va DVV International vakillari o‘rtasida o‘tkazilgan uchrashuv davomida yangi hamkorlikning quyidagi yo‘llari muhokama qilindi:

Dastlab, Markaz mutaxassislari o‘z faoliyatlari haqida qisqacha ma'lumot berib, ijtimoiy xizmatlar sohasidagi mutaxassislarning malakasini oshirish bo‘yicha olib borilayotgan ishlarda erishilgan muvaffaqiyatlarini ta'kidlab o‘tishdi.

Shu bilan birga, tomonlar kelgusida seminar va treninglar o‘tkazish hamda qo'shma interaktiv o'quv mashg‘ulotlar tashkil etish bo‘yicha bir qator takliflar berdilar.

Qolaversa, hamkorlik doirasida yangi malaka oshirish dasturlari ishlab chiqilishi rejalashtirildi. Bu dasturlar ta'lim sifatini oshirishga va mutaxassislarning kasbiy ko‘nikmalarini yanada yaxshilashga yordam beradi.

Bundan tashqari, Markazning hududiy trenerlarining malakasini oshirish bo‘yicha muhim rejalar muhokama qilindi. Bu kelgusida malaka oshirish modullarining samaradorligini oshirishga yordam beradi.

Ushbu uchrashuv ta'lim va professional tayyorgarlik sifatini oshirishga qaratilgan samarali va talabga mos ta'lim dasturlarini yaratish yo‘lidagi muhim qadam bo‘lib xizmat qildi.

• 
• 
•