Toshkentda oilani qo?llab-quvvatlash bo?yicha 5 kunlik trening boshlandi

---

O‘zbekiston Respublikasi Prezidenti huzuridagi Ijtimoiy himoya milliy agentligi tomonidan YUNISEF bolalar jamg‘armasi bilan hamkorlikda "Yevropa Ittifoqi va BMT tomonidan Markaziy Osiyo davlatlarining mojaroli hududlaridan qaytgan fuqarolarni qo‘llab-quvvatlash" (II-bosqich) loyihasi doirasida Toshkentda 5 kunlik trening boshlandi.

Treningning asosiy maqsadi — oilalarni qo‘llab-quvvatlashda tizimlararo yondashuvlarni joriy etish bo‘yicha “Inson” markazlari xodimlarining malakasini oshirishdir. 

Treningda ishtirok etayotgan trenerlar va ijtimoiy himoya tizimi mutaxassislari, oilalarga ijtimoiy, psixologik va emotsional yordam ko‘rsatish, kambag`allikni bartaraf etish va oilalar uchun samarali xizmatlar ko?rsatish bo‘yicha bilim va ko‘nikmalarini mustahkamlashadi.

Trening dasturi quyidagi mavzularni o‘z ichiga oladi:

- Oila mustahkamligini ta’minlash va oilalarni qo‘llab-quvvatlashning asosiy yo‘llari;

- Kambag‘allik va uning oila a’zolariga ta’siri;

- Sog‘lom turmush tarzini shakllantirish;

- Samarali muloqot va empatiya orqali muammolarni hal etish;

- Oila daromadini oshirish uchun imkoniyatlar.

Shuningdek, trening davomida turli amaliy mashg‘ulotlar va real holatlar tahlili orqali o‘zaro fikr almashish, tajriba orttirishga imkoniyatlar yaratildi.

• 
• 
•